Fermandariya Biryargeha YJA Starê bi daxuyaniyeke nivîskî fermandar û şervanên Eyaleta Geverê yên YJA Starê ku tev li çalakiya 27’ê tîrmehê bûn, pîroz kir û wiha got: “27’ê tîrmehê li navçeya Geverê ya Colemêrgê li dijî konvoya leşkerî ya artêşa dewleta tirk a dagirker ku ji navçeya Geverê diçû Qereqola Warginemê hêzên me çalakiyeke serkeftî kirine. Bi taktîka afiraniner a gerîlayên serdema nû, bi bikaranîna zîrektî ya taktîka sabotajê wesayîta leşkerî ya bi tîpa Kirpî hatiye rûxandin, bi kêmanî 6 dagirker hatine cezakirin û 10 dagirker birîndar bûne.
Ji ber vê çalakiya serkeftî ku we bi giyanê berz ê Apoyî û li ser xeta têkneçûyî ya YJA Starê ya jinên azad pêk aniye, di serî de gerîlayên jin ku tev li çalakiyê bûne û hemû fermandar û şervanên eyaletê pîroz dikin.
Em hêvî dikin ku gerîlatiya jinan a Modernîteya Demokratîk bi ked û fedakariyê pratîk bikin û çalakiyên we yên karîger û şok dikin ên li ser artêşa tirk berdewam bin.” BEHDÎNAN
