Navenda Çapemenî û Ragihandinê ya HPG’ê têkildarî çalakiyên gerîlayan daxuyaniyeke nivîskî weşand.
HPG di daxuyaniya xwe de ev agahiyan parve kir:
“Bi çarçoweya Pêngava Şoreşgera Cenga Heftanînê çalakiyên li dijî artêşa TC’ê ya dagirker didomin. Berfirehiya çalakiyên ku hatine kirin wiha ne:
10’ê tebaxê saet 07.50’an hêzên me, li Girê Qesrokê yê qada partîzanê li dijî leşkerên dagirker çalakiyeke suîkastê hatiye kirin. Di vê çalakiyê de leşkerek dijmin hatiye cezakirin.
Eynî rojê saet 14.30’an hêzên me yên YJA Starê, li qada Bektorya li dijî leşkerên li Girê Katosulê çalakiyeke suîkastê kirine û di çalakiyê de leşkerek dijmin hatiye cezakirin.
8’ê tebaxê li qada Pîrbûla ji ber şerê giran bi hevalekî me re têkîliya me qut bûye. Hevala me Sorxwîn Amed, di şerê qada Pîrbûlê de li dijî hêzên dijmin heta bi guleya xwe ya dawî bi fedayî şer kiriye û tev li nav karwanê şehîdan bûye.
9’ê tebaxê saet 21.00’an artêşa TC’ê ya dagirker li dijî qada Pîrbûlayê êrîşa hewayî pêk aniye. Di van êrîşan de hevrêyên me Ferman û Mazlûm şehîd bûne.
Agahiyên nasnameyê yên hevrêyên me yên şehîd piştgre bi raya giştî re wê werin parvekirin.
Colemêrg
Di çarçoweya Pêngava Şoreşger a Şehîd Bager û Şehîd Ronya de hêzên me yên YJA Starê li navçeya Geverê ya Colemêrgê, li derdora qereqoa Zînê yekîneyên veşarî yên dijmin demeke dirêj piştî ku kirine bin kontrola xwe 11’ê tebaxê (îro) sibehê bi taktîka sabotajê yekîneya dijmin kiriye hedef. Derbeke serkeftî li vê yekîneya dijmin hatiye xistin û di vê çalakiyê de 3 leşkerên dijmin hatine cezakirin.
Dêrsim
10’ê tebaxê saet 07.30’an hêzên me li navçeya Xozatê ya Dêrsimê, li gundê Çakmaklî li djî kontroyan ku di çêkirina qereqolê de dixebitin çalakiyek hatiye kirin. Di vê çalakiyê de derbeyeke serkeftî li wesayiya kontrayan hatiye xistin, derb li wesayitê hatiye xistin û hejmara dijmin ên ku birîndar bûne nehatiye tespîtkirin.
Agirî
Hêzên me, li navçeya Bazidê ya Agirî, li nêzî gundê Mişkê yekîneyeke veşarî ya artêşa TC’ê ya dagirker bi temamî kontrol kiriye. Yekîneyên dijmin piştî ku demekê hatine kontrolkirin 9’ê tebaxê saet 15.00’an li dijî van yekîneyên dijmin ji du baskan ve çalakî hatiye kirin. Derbeke serkeftî li vê yekîneya dijmin hatiye xistin, tespît bûye ku 2 leşker hatine cezakirin û 3 leşker jî birîndar bûne. Hêzên dagirker, êvarkî bi helîkoptêrên Skorskyê leşkerên ku hatine cezakirin û birîndar bûne ji qadê rakirine.
Şirnex
2’yê tebaxê artêşa TC’ê ya dagirker li herêma Gabarê ya Şirnexê li qada Çiravê operasyonek daye destpêkirin û 3’yê tebaxê bi rengekî bêencam vekişiyaye.
Avaşîn
Balafirên şer ên artêşa TC’ê ya dagirker 9’ê tebax’ê saet 19.00’an û 10’ê tebaxê saet 10.50’î ji Qadên Parastinê yên Medyaê qada Mervanos a herêma Avaşîn bombe kirine. Di van bombebaranan de ziyan negihaye ser hêzên me.”BEHDÎNAN
