HRE’yê bi daxuyaniyekê ragihand ku hêzên wan di navbera 9 û 10’ê çileyê de li dijî hêzên artêşa tirk û çeteyên wê rêzeçalakî lidar xistin. HRE’yê diyar kir ku di encama van çalakiyan de 4 çete hatine kuştin û 8 çete jî birîndar bûn
Hêzên Rizgariya Efrînê bi daxuyaniyekê ragihand ku hêzên wan çalakiyên xwe yên li dijî hêzên artêşa tirk a dagirker û çeteyên wê yên li herêma Efrîn û derdora wê didomînin. HRE’yê da zanîn ku hêzên wan di vê çarçoveyê de di 9 û 10’ê çileyê de de li hemberî çeteyan rêzeçalakî pêk anîn.
HRE’yê diyar kir ku hêzên wan di 9’ê çileyê de li Mareyê li hemberî komek çeteyan 2 çalakiyên sekvaniyê pêk anîn û ev agahî dan: “Di encama çalakiyê de çeteyek hate kuştin û yek jî birîndar bû. Di heman rojê de hêzên me li gundê Cilbirê yê Şêrawa ya Efrînê li dijî baregeheke çeteyên artêşa dagirker çalakiyek li dar xistin. Di encama çalakiyê de çeteyekî girêdayî koma bi navê Cebhe El Şamiyeyê hat kuştin û çeteyek û leşkerek jî birîndar bûn.”
Têkildarî çalakiyên di 10’ê çileyê de jî HRE’yê ev agahî parve kirin: “Yekîneyên me di 10’ê çileyê de 3 çalakiyên bi bandor li dar xistin. Di encama çalakiyan de li gundê Vîla Qadî yê Şera ya Efrînê 3 çeteyên koma Cebhe El Şamiyeyê birîndar bûn, li gundê Meydankê yê Şerayê de çeteyekî Feylaq El Şamê hate kuştin û 2 jî birîndar bûn û li ser rêya gundê Hecîka yê Racoyê de jî çeteyê bi navê Mihemed Kean ê koma Firqet Hemze hate kuştin.”
