Nameya ku serokê DYA’yê Donald Trump beriya êrîşa dewleta tirk a li ser Rojava ji Erdogan re şandî derket. Trump ji Erdogan re dibêje ku ger mijara Rojava bi peymanekî baş û mirovî çareser neke, dê heta dawiyê weke şeytanekî bê bibîranîn. Trump dibêje; ‘Bûdela nebe.’
Nameya ku serokê DYA’yê Donald Trump tê de qala Fermandarê Giştî yê Hêzên Sûriyeya Demokratîk (HSD) Mazlum Ebdî jî dike û ji serokê giştî yê AKP’ê Tayyîp Erdogan re nivîsandibû, hate weşandin. Derket holê ku name beriya 9’ê cotmehê hatiye nivîsandin.
Name li ser medyaya civakî ji hêla spîkera Fox Business Network’ê Trish Regan ve hate parvekirin. Di heman demê de name ji hêla nûçegihanên Qesra Spî ve jî hate piştrastkirin.
Nameya ku ji hêla çapemeniyê ve hatiye weşandin wiha ye:
“Birêz serok, were em li ser peymaneke baş li hev bikin. Hûn dê nexwazin bibin sedema qetilkirina bi hezaran mirovan. Ez jî naxwazim bibim sedem ku aboriya tirkan birûxe. Lê dê bikim. Di pêvajoya keşe Brunson de min mînakekê biçûk dabû we.
Ji bo çareserkirina hinek pirsgirêkên me gelek hewldanên min çêbûn. Bendewariyên dinyayê têk nebin. Hûn dikarin peymaneke pir baş çê bikin. General Mazlum amade ye ku bi we re muzakereyan bike. Di heman demê de amade ye ku gelek tawîzên ku di demên berê de nedidan, niha bide.
Ger ku hûn vî karî bi awayeke baş û mirovî bigirin dest û çareser bikin, dîrok dê we binivîsîne. Lê naxêr ger ku tiştên nebaş biqewimin, dê te heta dawiyê weke şeytanekî bibînim. Miroveke destnexweş nebe. Bûdela nebe!
Ez ê paşê li we bigerim.”
