Şaredariya Sêrtê ji bo jin ji çûyîn û hatina nav bajêr sûdê werbigirin û bi hêsanî biçin û bên, sepana Jinkart xist meriyetê
Şaredariya Sêrtê ji bo jin li bajêr bikaribin bi hêsanî biçin û bên û li wesayîtên şaredariyê siwar bibin sepana Jinkart xist meriyetê. Jin wê bi erzanî ji Jinkartê sûdê werbigirin. Sepana Jinkart îro dest pê kir. Jin dikarin Jinkart ji Şefîtiya Hatinê ya Şaredariya Sêrtê û ji nokteyên kart lê tên tijekirin werbigirin.
Hevşaredara Sêrtê Bêrîvan Helen Işik bi bîr xist ku sepana wan a Jinkartê di nava vaadên wan a hilbijartinê de jî cih digirt û wiha got: “Ji bo jinên me karibin bi hêsanî biçin û bên û ji erzaniyê sûdê werbigirin me îro vaada xwe yê hilbijartinê Jinkart xist meriyetê. Li gel vê xebatê dê ji bo jinên me proje û xebatên me dewam bikin. Ez bang li jinên Sêrtê dikim ku sûdê ji vê sepanê bigirin.” SÊRT
