Di nav de girtiyên nexweş jî, ji Girtîgeha Tarsûsê 16 girtiyên siyasî sewqî Girtîgeha Jimar 2 ya Tîpa L ya Turkoglu ya Gurgumê. Hat zanîn ku ji van girtiyan Kamuran Altin di tecrîdkirî ye
Li girtîgehên bakurê Kurdistanê û Tirkiyeyê, sewqkirina girtiyan a ber bi bajarên cuda berdewam dike. Hat zanîn ku vêcarê jî ji Girtîgeha Kampûsa Tarsûsê 16 girtî sewqî Girtîgeha Jimar 2 ya Tîpa L ya Turkoglu ya Gurgumê hatin kirin. Hat zanîn ku di nava girtiyên hatin sewqkirin de yên nexweş jî hene.
Li gorî agahiyan, navên çend girtiyên ku hatin sirgûnkirin wiha ne: “Huseyîn Erpolat, Firat Turgay, Mehmet Alî Alan, Mehmet Şerîf Dayan, Emanet Eneç (ji sedî 92 rapora wî heye), Roşhat Dilkiç (ji sedî 40 rapora wî heye), Azad Taş (ji sedî 40 rapora wî heye), Çagdaş Dogan (ji sedî 80 rapora wî heye û dê di 31’ê adarê de bi şert bê berdan), Vahdettîn Çoban (Di 6’ê nîsanê de dê bi şert bê berdan), Îbrahîm Halîl Olçar, Ferît Çalan, Fehîm Îşbîlîr, Şiyar Say, Zekî Yildirim, Kerem Er û Kamuran Altin.”
Li gorî agahiyan, Kamuran Altin di odeya tecrîdê de tê girtin û 15 girtiyên din jî xistine qawişa C-12’an. EDENE
