Wezîrê Dadê Abdulhamît Gul, pirsên rojnamegeran a hevdîtina Rêberê Gelê Kurd Abdullah Ocalan wê bi rêk û pêk bên kirin ya na? bersivand û wiha got: “Têkildarî vê yekê meqamên eleqeder rewşa girtîgehan, hiqûq û mevzuat çawa pêwîst bibîne dê wiha pêk bê.”
Wezîrê Dadê Abdulhamît Gul, şevê din beşdarî xwarina fitaran a Muzeya Girtîgehan a Ûlûcanlar a Enqereyê ya ku Komeleya Weşangerên Anadolû amade kiribû, bû. Gul, di xwarina fitarê de pirsên rojnamegeran bersivand. Gul, pirsa hevdîtina Rêberê Gelê Kurd Abdullah Ocalan wê bi rêk û pêk bên kirin ya na? bersivand û wiha got: “Têkildarî vê yekê meqamên eleqeder rewşa girtîgehan, hiqûq û mevzuat çawa pêwist bibîne dê wiha pêk bê. Ev pêwendiya wê ya bi pêvajoya çareseriye re tune ye. Mirov nikare pêje pêvoya çareseriyê tê destpêkirin. Ez ne şaş bim di meha Çile de bû malbate hevdîtin kiribû. Demek dirêj e nikarîbû hevdîtin kiribûya. Astengiya dadgehê hebû. Piştî îtîrazê Dadgeha Cezayên Giran biryar rakir. Di vê mijarê de astengiya hiqûqî ji holê rabu. Ev hevdîtin di çarçoveya rakirina hiqûqî de pêk tê. Ev hevdîtin di çarçoveya ku dadgehê biryar daye de pêk tê.” ENQERE
