Ji bo bal kişandina ser tundiya polîsan a li dijî dayikên girtiyan, jinan bi daxuyaniyekê ragihand ku dê sibê saet 19.00’an de li Qada Şîşhane ya Stenbolê çalakiyê pêk bînin. Jinan her kes vexwend cihê çalakiyê
Bi armanca piştgiriya bi berxwedana grevên birçîbûnê û rojiya mirinê yên ji bo rakirina tecrîda girankirî ya li ser Rêberê Gelê Kurd Abdullah Ocalan re û bal kişandina ser rewşa girtiyan, dayik û malbatên girtiyan li gelek deveran dadikevin qadan û li ber xwe didin. Di vê navberê de dayik û malbatên girtiyan rastî êrîşên hovane yên polîsan tên. Ji bo piştgiriya bi berxwedanê re û bal kişandina ser tundiya li dijî dayikan, dê jin sibê saet di 19.00’an de bi dirûşma ‘#JiBoJiyanaLaçikaSpî’ dakevin qada Şişhaneyê û êrîşa polîsan şermezar bikin.
Têkildarî mijarê jinan bang kirin û xwestin ku her kes sibê saet di 19.00’an de li Qada Şişhane ya Stenbolê amade bin û piştgiriyê bidin çalakiyê. Jinan xwest ku li dijî tundiya li dijî dayikên girtiyan ku bi mehane li Parka Koşuyolu, Kugulupark, Gebze, Bakirkoyê û hwd. rastî tundî û êrîşa polîsan tên, her kes biherike Qada Şîşhaneyê.
Di daxuyaniyê de jinan daxuyand ku ew heza xwe ji piştevaniya jinan digirin û bi îsyana xwe li dijî bê edaletiyê dengê xwe bilind bikin. Jin Bi Hevre Bi Hêzin, îro di 15’ê gulanê de saet di 15.00’an de ji bo danişîna Name Ozturk dê li pêş Edliyeya Herêma Kartalê, saet di 21.00’an de jî ji bo Nevîn Yildirim ku danişîna wê bê dîtin li ser medyaya civakî bi haştek a #YargıtaydaNevinİçinAdalet çalakiya xwe pêk bînin. STENBOL
