Li Wanê jin dê sibê bi dirûşma ‘Hevserokatî xeta me ya mor e’ dê bicivin. Ji bo tevlêbûna daxuyaniya çapemeniyê, hevseroka HDP’ê ya Wanê Yadîşen Karabulak bang li gel kir û got ku dê dev ji destkeftiyên xwe bernedin
Wezerata Karên Hundir a Tirkiyeyê di 19’ê tebaxê de qeyûm tayînî şaredariyên bajarên mezin ên Amed, Wan û Mêrdînê kirin. Wezaretê yek ji sedemên tayînkirina qeyûman jî weke ‘Pergala hevserokatiyê’ nîşan da. Li dijî vê yekê, jinên wanî sibe dê bi dirûşma ‘Hevserokatî xeta me ya mor e’ dê bicivin. Di vê çarçoveyê de sibê saet di 15.00’an de dê li Parka Dabbagoglu daxuyaniya çapameniyê bidin. Di daxuyaniyê de dê parlamenterên HDP’ê jî amade bin.
Têkildarî mijarê hevseroka HDP’ê ya Wanê Yadîşen Karabulak axivî. Karabulak diyar kir ku pergala hevserokatiyê ji bo hemû cîhanê destkeftiyeke û ji hêla kurdan ve hatiye ceribandin. Karabulak wiha dom kir: “Em ê sibe bi dirûşma ‘Hevserokatî xeta me ya mor e’ dê daxuyaniya çapemeniyê bidin. Bi vê yekê re jî em ê bersivê bidin bêtehemûliya hikûmeta AKP’ê ya li hemberî pergala hevserokatî û destkeftiyên jinan. Em hemû jinan bi dirûşma nûnertiya wekhev û jiyana azad vedixwînin daxuyaniya çapemeniyê.” WAN
