Jinên Tebqayê bi armanca şermezarkirina gefên dewleta tirk ên li ser herêmê ji bo sê rojan konê çalakiyê vedan
Rêveberiya Jinan bi hevkariya Yekitiya Jinên Ciwan a Tebqayê bi armanca şermezarkirina gefên dewleta tirk ên li ser herêmên bakur û rojhilatê Sûriyeyê konê çalakiyê veda. Konê çalakiyê li qada El Mirab a Tebqayê hat vedan û dê 3 rojan dewam bike. Bi dehan jinên herêma Tebqayê tev li çalakiyê bûn.
Çalakî bi daxuyaniyê dest pê kir. Di daxuyaniyê de hate gotin ku bila Erdogan û kesên ku alîkariya wî dikin baş zanibin tu kes nikare li pêşiya rastiyan bisekine û hat diyarkirin ku dê çalakiya wan heta dawiyê bidome.
Her wiha di dawiya daxuyaniyê de soza tolhildanê ji bo Efrînê hate dayîn û piştre çalakî dest pê kir. TEBQA
