Jinên li Binarê Qendilê bi dirûşma ‘Têkoşîna jinan xwebûn, berxwedan û azadî ye’ xwe ji şahiya 8’ê Adarê Roja Jinên Cîhanê re amade dikin.
Tevgera Jinên Azad a Kurdistanê (RJAK) jî bi wesîleya 8’ê Adarê li gundê Enzê yê Binarê Qendilê daxuyanî da çapemeniyê û jin hemû kesê vexwend şahiya 8’ê Adarê ya li Binarê Qendîlê.
Di daxuyaniya RJAK’ê de ev tişt hat parvekirin: “Bi navê Rêxistina Jinan Azad a Kurdistanê (RJAK) em 8’ê Adarê Roja Jinên Kedkar ên Cîhanê li Rêberê mirovahiyê li Rêber Apo, li tevahî jinên cîhanê û jinên kurd pîroz dikin.
Jinan di dîrokê de heya roja îro, ji bo gihiştina mafên xwe yên rewa gelek şehîd dane. Weke Clara Zetkîn, Leyla Qasim, Sakîne Cansiz, Hevrîn Xelef, Ruheyv Silêmanî, Zîlan Pepule û hwd.
Em bang li tevahî jinên cîhanê û jinên Kurdistanê dikin ku li dijî tûndîtî, kuştin û destdirêjiya li ser zarok û jinan xwedî helwest û têkoşîn bin.
Rêber Apo dibêje ‘Heta jin azad nebe civak azad nabe, azadiya jin azadiya civakê ye’. Pêşketin û rola jinan bi fikir û felsefeya Rêber Apo gihiştiye lutkeyê, ji bo wê divê em jin li her derê xwedî li Rêberê Gelan derbikevin û azadiya xwe bi dest bixin.”
Li gorî daxuyaniyê şahî dê 6’ê Adarê li Binarê Qendîlê gundê Derekotr pêk were û bang li jinan hemûyan hate kirin ku tev li bibin. BINARÊ QENDÎL
