Yekitiya Jinên Sosyalîst ên Ewropayê ji bo piştgiriya grevên birçîbûnê û li dijî tecrîdê bajar bi bajar digerin
Çalakiyên piştgiriyê yên ji bo grevên birçîbûnê belav dibin. Yekitiya Jinên Sosyalîst ên Ewropayê li dijî tecrîdê bajar bi bajar digerin. Jinên sosyalîst ji bo çalakiya li pêşiya Parlementoya Ewropayê li Berlînê hatin ba hev.
Jinên sosyalîst sibehê bi parlementerê Dîe Lînkeyê Hakan Taş re civiyan û dosyeyeke derbarê çalakiyên xwe teslîm kirin. Jinên sosyalîst derbarê grevên birçîbûnê û rewşa Leyla Guven agahdarî kirin û diyar kirin ku têkoşîna li dijî tecrîdê bi salan e didome.
Jinan dan zanîn ku divê piştgiriya girtiyan were kirin û xwedî li daxwazên wan were derketin.
Piştî hevdîtinê jinên sosyalîst li pêşiya parlementoyê belavok belav kirin û diyar kirin ku dê li bajarên din çalakiyên xwe bidomînin.
Yekitiya Jinên Sosyalîst dê sibê ji bo çalakiya li pêşiya Parlementoya Belçîkayê li Brukselê bin. BERLÎN
