Cil û bergî kurdî rojevî rojhelatî kurdistanî gorî…
Le mawey 15 roj da, ziyatir le 40 xwendkarî zanko û çalakî medenî û jîngeparêzî kurd destbeser kiran, ew oprasyone le layen hêzekanî supayî Pasdaran û Îtlaetewe Êranewe pêk hat.
Cewananêk ke çalak bûn kewtine ber şalawî girtin û destbeserkirdin, wêrayî Kurdistan ew oprasyone şarekanî dîkeyî girtewe û hemû gîrawan kurd in.
Amarekan bas le girtinî ziyatir le 40 kes deken, belam nawî 35 kesyan aşkira kirawe û 3 kes lewane jin in. Ew jinane be nawekanî Deriya, Ezîme û Esrîn rewaneyî zindanî supa le şarî Orumiye kiraw in.
Lêgerîn binemalekan, le çarenûsî rolekaniyan ta êsta bê encam bûwe û tenanet şiwênî ragirtin û barûdoxî gîrawan be tewawî nazanrêt.
Yek le hokarî girtinekan, dirêjedan be serkotkirdinî komelga û helmercî tirs û dilerawkêye, her weha astengkirdinî çalakî medenî û jîngeparêziye, ke lem diwayane da ziyatir pereyî sendûwe.
Detwanîn lem çend xale da bas le erkî jîngeparêzan le rojhelatî Kurdistan bikeyîn:
– Hewlî kujandineweyî darstan û lewergakan ke salanêke be şêwazî ciya ciya, desûtênidrêt.
– Helmetî bûjaneweyî jînge lewane kempînî zagrosane, nemam çandin, pakirdineweyî seyranga le zibl û paşamewekan, parastinî balinde û ajelekêwiyelan û rawnekirdin.
– Rêkxistinî simînar û workshop her weha xolî ciya bo hoşiyar kirdneweyî komelga be amancî aşitbûnewe le gel sirûşit.
– Yarmentî danî lêqewmawanî rûdawe sirûştiyekan û tenanet kesanî xêzandar û kemderamed, ke korona jiyanyanî dijwartir kirduwe.
Eme xalane beşek in lew karaneyî ke bêdûdilî jîngeparêzan û çalakanî medenî berêwiyan birdûwe.
Hewlêstî ewan siyasiyane nebûwe, belam le ber ewey kemterxemiyekanî karbedestanî rijêmî Êranyan aşkira dekat, boye rûberûyî girtin û destbeserkirdin bunetewe, tenanet giyan le destdanî Şerîf Baciwer û hewrêyanî diwayî çend sal hêştaş cegayî gomane, ke be pîlanî supayî Pasdaran pêk hat bêt.
Sererayî em şepolî girtin û destbeserkirdine çalakanî medenî sûrin le ser amancekaniyan, dûr niye le naw em çalakane da, kesanêk nizîk û hawbîr le part û rêkxstinekan Kurdistan hebin, belam ewan xo çekiyan dijî rijêm helnegirtuwe û pirûpagendeyan bo part û layenekanî dijberî Êran nekirdûwe.
Ew jîngeye ke çalakanî medenî dakokî lêwedeken û hewlî parstinî deden, hemûmane bandorî bo tewawî goyî zewî heye, ey bo çî girtin û serkutkirdiyan nebûwte rojevêkî giştî?
Rijêm bem girtinane bo ewey rê le her kardaneweyek bigirêt, rojevî cilî kurdî û bêrêzî le layen mîdiyakarêkewe be mîwanêkî kurdîpoş, xiste ger.
Êsta herkesû be şêwazî ciya ciya dakokî le cil û bergî kurdî dekat, wek eweyî yekem care û doniya rûxabêt.
Bedilniyayewe her kes legel parastinî nirxekanî daye û gomanî tê da niye cil û bergîş beşêke le nasnamey kurd, belam ême eger jînge û jîngeparêzanman nebê, hemû şitêk dedorênîn le ber ewey Kurdistan man le naw deçêt.
Boye xozga ewende le ser cil û helperkêman hestiyarîn, le ser nirxe girîngekanî dîke be heman şêwe bûynayêt.
