Mîsyonê Paştîdayîşê Afganistanî yê Şarê Yewbîyaye (MANUA) eşkera kerd ke 30ê êlule de roja îne paytextê Afganistan Kabilî de vera merkezê perwerdeyî ke wendekaranê cinîyî tede hadkerkarîya unîversîteye dîyêne de hêriş virazîya û netîceyê hêrişî de 43 kesî ameyî qetilkerdene û 83 kesî zî birşndar bîyî.
Hêrişê vera merkezê perwerdeyîye hema kesêk yan zî rêxistinêk nêgirewt xo ser û la hêrişê ke mîyanê yew serrî de virazîyayî pêro zî DAIŞ girewt xo ser.
Badê dagirkerîya talîbanî ke welat girewt binê kontrole xo, hêrişê vera cinî û domanan zêdîyayî. Nê hêrişan ra yew zî 20ê nîsane de rojawanê Kabilî de vera mektebê domanan de qewimîya bî. Tîya de tê dima 2 teqayîşî virazîya bî û netîceyê nê hêrişî de zî 24 kesî dinyaya xo bedelna bî.
