Endamê Komîteya Rayberdişî ya PKKyî Duran Kalkanî derheqê Qirkerdişê Parisî de ANFyî rê qisey kerd.
Qiseykerdişê Kalkanî ra tay noqtayê girîngî wina yê:
”Serrgêra 10. ya Qirkerdişê Parisî yê 9ê Çeleyê 2013î de Qirkerdişê 23ê Kanûne ame kerdene. Zanîyeno ke Qirkerdişê 9ê Çeleyî hetê kamî ra ameyo kerdene. Qirkerdişê 9ê Çeleyî de ronîyoxa partîya ma Sara, nê qirkerdişî de zî endama Konseya Rayberdişî ya KCKyî Evîn Goyî ameye qetilkerdene. Coka ma zanenê ke kamî no qirkerdiş kerdo. Senaryoyê wird qirkerdişan zî seyci yê. O çax înan vato Qirkerdişê 9ê Çeleyî tirkêko nêweş kerdo, nika zî vanê fransizêkê nêweşî kerdo. Ê do nêeşkê pê nê zûran kurdan û merdimatîye bixapînê. No fransizo nêweş senî eşkayo bi sereyê xo nê qirkerdişî bikero?
Qirkerdiş ame şermezarkerdene. Kurdî vanê ‘eke hesabê qirkerdişê bînî bipersayêne no qirkerdiş do nêameyêne kerdene.’ No nêzdîbîyayîş raşt o. Qirkerdişê 23ê Kanûne dewamê Qirkerdişê 9ê Çeleyê 2013î yo. Her kes zaneno ke dewleta tirke ra ber, MÎTî ra ber çew hêrişê kurdan nêkeno. Her kes kurdan ra hes keno çunke kurdan vera DAIŞî şer kerd. Sey ê qirkerdişanê bînan no qirkerdiş zî hetê dewleta tirke ya faşîste ra ame kerdene, wa çew pê ney şik nêkero.
Dewleta tirke Qirkerdişê Parisî reyde sîyasetmedaranê DBPyî tepişena, vera HDPyî dewaya qefilnayîşî akena, hêrişê kurdan kena, tecrîdê vera Rayberê ma vera kena giranêr. Wextê Qirkerdişê 9ê Çeleyî de bi belgeyan amebi îsbatkerdene ke dewleta tirke 3 embazê ma uca de qetil kerdê la dewleta Fransa na raştîye nimite. Xora MÎT û dewleta tirke dişmenê verênî yê dewleta tirke yê. Şarê kurdî û dostê kurdan zî wazenê ke wa Fransa nê qirkerdişan roşnî bikerê. Hesabê Qirkerdişê 9ê Çeleyî zî û hesabê Qirkerdişê 23ê Kanûne zî qetî do bêrê persayene.
Ma venga şarê xo yê Parisî û şarê ma yê welatperwerî danê ke vera nê qirkerdişî tewirêkê xurtî bimojnê û têkoşînêkê raştikênî bikerê. Sere de embaze Evîne ma pêro şehîdanê Qirkerdişê Parisî bi rêzdarî yad kenê. Wa şarê ma dormeyê şehîdan de bêro pêser, heta ke qirkeran ra hesab bêro persayene wa çalakîyanê xo rê dewam bikero. Ganî ma wayîrê têkoşînê şehîdan û Rayberê xo vejîyê.
Nê esasî ser o ganî şarê ma mekewo dafika provakasyonan û vera nê nêzdîbîyayîşî baldar bibo. Ganî ma şaşîtîye mekerê, rayîr medê provakasyonan. Ma pê bawer ê ke şarê ma nê çalakîyan de bi baldarî têbigêro, hesabê nê qirkerdişan bingeyê azadîye û demokrasî de biperso. Şarê ma rê vengdayîşê ma wina yo.” BEHDÎNAN
