Dewanê dormeyê herêma mabenê qezayanê Licê û Hênê de leşkeran eştî xeylê keyeyan ser û kamîya 471 kesan kontrol kerdî
Leşkerê hêzê taybet û qorîcîyî 29ê temmuze de dewanê dormeyê herêma mabenê qezayanê Licê û Hênê yê Amedî de operasyonê leşkerî dabî dest pêkerdene. Ame zanayene ke operasyon saetanê şewe de temam bîyo. Operasyonê leşkerî de leşker û qorîcîyî eştî xeylê adresan ser û cigêrayîş kerdî. Ame zanayene ke dekewtiş û vejîyayîşê dewan de kamîya 471 hemwelatijan ameya kontrolkerdene.
Ame zanayene ke leşkerê hêzê taybet û qorîcîyî herême de şikeftêko xozayî zî rijnayî. AMED
