Hêzanê Asayîşê Zereyî yê Rojawanî Kampa Holê de vera hucreyanê nimiteyan ê DAIŞî dest pê operasyonêkê hîrayî kerd.
Hêzê Hêzê Sûrîyeya Demokratîke (HSD), Yewîya Pawitişê Şarî (YPG), Yewîya Pawitişê Cinîyan (YPJ), Hêzê Anti-Terorî û Hêzê Koalîsyonê Mîyanneteweyî yê vera DAIŞî paştî danê operasyonî.
Tewr tay 5 hezar personelê asayîşî tewrê operasyonî bîyî. Hêzê Koalîsyonê Mîyanneteweyî zî paştdayîşê hewayî û îstîxbaratî danê operasyonî. Kampa Holê ya ke qasê 45 kîlometreyan rojhelatê Hesekê de ya, tede tewr tay 60 hezar kesî estê û zafê nînan keyeyê DAIŞijan ê. Pawîyeno ke operasyon çend rojan dewam bikero. HESEKÊ
