Kampa Holî de cinîyêke û di domanê êzidîyî ameyî xelisnayene ke 2014 de Şingalî ra hetê DAIŞî ra ameybî remnayene.
Hêzanê Asayîşê Zereyî derheqê babete de bi eşkerayîyêke nê agahîyî dayî:
”Hêzanê ma derheqê na cinîya êzidîye de agahîyê qetîyî vistî destî û Kampa Holî de cigêrayîşê xo û xebatê xo yê teqîbkerdişî ardî ca. 3yê hezîrane de cinîya êzidîye Ezîze Xalîd Elî û di domanê ke yewa ci kênaya aye ya bi operasyonêkî xelisnayî.
Ezîze wexto ke 10 serre bîya pa dadîya xo hetê cerganê DAIŞî ra Şingalî ra ameya remnayene. Çend mengan ra dima a dadîya xo ra ameya qerifnayene. Ma do Ezîze û domanan teslîmê Dezgehê Keyeyanê Êzidîyan bikerê ke dezgeh zî nînan bişawo Şingalî.”
