Navenda Nûçeyan
Kampanya ji bo azadiya Rêberê Gelê Kurd Abdullah Ocalan dest pê kir, ku bi navê “Dema wê ye: Ji bo aştiyeke wekhev a li Tirkiyeyê azadî ji Abdullah Ocalan re” tê meşandin û name ji sekreterê giştî yê Neteweyên Yekbûyî (NY) Antonîo Gûterres re name tê şandin, bi tevlîbûnên nû dewam dike.
Dibistana Antonîo Gramscî ya ku li Girava Sardûnyayê ya Îtalya ye ragihand ku ew jî tevlî kampanyaya “Dema wê ye: Ji bo aştiyeke wekhev a li Tirkiyeyê azadî ji Abdullah Ocalan re” bûye.
Sardûnyayiyan eleqeyeke xurt nîşanî karên dîrokî û felsefî yên Rêberê Gelê Kurd Abdullah Ocalan dan.
Dibistana Gel a Gramscî tevlî kampanyaya ji bo azadiya Ocalan bû, ku 11’ê Çileyê ji aliyê Koma Xebatê ya Kurd a Efrîkaya Başûr (KHRAG) û Konfederasyona Sendîkayên Efrîkaya Başûr (COSATÛ) ve hat destpêkirin û name ji Sekreterê Giştî yê Neteweyên Yekbûyî re tê şandin.
Kovara Îl Bene Comûne û sendikaya mamosteyan COBASe jî tev li kampanyayê bûn
Kovara çandê ya mehane ya li Îtalyayê Îl Bene Comûne Molîse jî beşdarî kampanyayê bû. Kovara ku zêdeyî 20 sal in weşana neteweyî, çandî û hunerî dike, di heman demê de li ser rastiya Îtalyayê û navneteweyî kar dike.
Sendîkaya Mamosteyan a COBAS’ê ku li Sendîkayê rêxistiniya mamosteyan e, ji bo azadiya Rêberê Gelê Kurd Abdullah Ocalan tevlî kampanyayê bû. Di vê çarçoveyê de wê ji Sekreterê Giştî yê Neteweyên Yekbûyî Antonîo Gûterres re nameyan bişîne.
