Zimistan hema zî tay bajar û qezayan de tesîrê xo domneno. Nê cayan ra yew zî qezaya Çewlîgî ya Kanîreşî ya. Rayîrê deweka Kavakan a dewa Lîçikî ya Kanîreşî vewre ra 3 mengî yo girewte yê. Deweke de qalinîya vewre resaye metreyêk. Nêweşî nêeşkenê şorê nêweşxane û derman bibê.
Avnî Temur (70) û Îpeke Teymur (65) gereka 3 hewteyan de yew derman bibê. Wirdî zî pê payan ver bi Erziromî şinê.
Hemwelatîyê deweke Sadik Gurgenî pare kerd ke Avnî û Îpeke Teymur kanserê gonî yê û gereka derzin bidê xo rê. Gurgenî îfade kerd ke wirdî zî neçare manenê 3 kîlometreyan rayîrî ra şinê û deweke de çew nêeşkeno hewcedarîya xo peyda bikero.
Gurgenî eşkera kerd ke eke dewlete biwaza eşkena nêm saete de rayîran abikera.
Hetê bînî ra şewe dewe de vewrês kewt û rayîrî reyna qefilîyayî. ÇEWLÎG
