Badê erdlerzê Çewlîgî hetêkî ra hukmat xo wasifneno ke kişta şarî de yo û wayîrê ci vejîyeno, hetê bînî ra şaro ke bê xeyman varayîş de teber de manano nêrazîbîyîş ramojneno. Derheqê babete de medyaya sosyale de nêrzîbîyayîş zêdîyeno.
Şeradarê Kanîreşî yê Çewlîgî yê AKPyî Veysî Bingolî û Qaymeqam Ahmet Gunerî vera yewbînan eşkerayîyî dayî û yewbînî zureker vetî.
Seba ke medyaya sosyale de nêrazîbîyayîşê vera hukmatî zêdîyayî ke xeymî nêdîyenê şarê Kanîreşî. Veysî Bingolî derheqê babete de eşkerayîyêke daye û ard ziwan ke berpirsîyarîya înan çîn a ke xeyman vila bikerî û vat rixmo ke mi çend rey vat zî Serekê masayê krîzî mîre qeymaqem vano ‘heta ke konutî merijîyê ez nêeşkena xeyman bidê’ û sey berpirsîyarî qaymeqam nîşan da. Badê na eşkerayîye Qaymeqam Ahmet Gunerî zî pelê fermî yê qaymeqamîye ra eşkerayîyêke daye. Eşkerayîye de nameyî Bingolî neame şuxulnayene la pê nê vatişan nêvatişan cewabê ey ame dayene: ”Mi nêvat ‘heta ke konutî merijîyê ez nêeşkena xeyman bidê’ mi qetîyen çîyêko winayê nêşuxulnayo.” ÇEWLÎG
