Endamê Komîteya Rayberdişî ya PKKyî Murat Karayilanî radyoyê Dengê Welatî rê rojdem ercna.
Qiseykerdişê Karayilanî ra beşêk wina yo:
”KCKyî vera hemkarîya dewleta tirke û PDKyî eşkerayîye weşanaye û tay hîşyarîyî kerdî, seba öareserîya mesele veng da. Ma nika pabeyê cewabê PDKyî yê. Girîng o ke îdarekarê PDKyî nê meseleyan ser o bifikîrê. Rwşêka xeylêk cidî ya ke PDK seba tasfîyekerdişê PKKyî hemkarîya dewleta tirke keno. No sîyasetê PDKyî vengdayîşê seba şerê zereyî yo. No sey seserra 20. seserra 21. de zî do bibo sebebê binkewtişê kurdan. Coka ganî her kes bi hawayêkê berpirsîyarî nêzdîyê mesele bibo. Na mesele ameyoxê Kurdîstabî û pêro kurdan eleqedar kena. Ganî verê nê şerê zereyî bêro girewtene. Şarê ma yê Başûrê Kurdîstabî babetanê neteweyîyan de xeylêk hîsger o. Ez înan rê selam kenê. Tewirê înan xeylêk ercîyaye yo.
Destpêk de ma têna vera dewleta tirke têkoşîn kerdêne. La dewleta tirke NATOyî ra, welatanê rojawanî ra hetkarîye gêna. Dewleta tirke bi teknîkê Almanya û Kanada û tay şîrketanê Îngilîstanî, DYA teyarayê bêmerdiman viraştî.
Almanya û Kanada qirkerdişanê dewleta tirke yê vera kurdan ra mesuldar ê. Dewleta tirke bi rayîrê çekê nînan qirkerdişan kena. MA bi taybetî Almanya rê vanê ke hînî bes o dişmenîya şima ya vera kurdan! Saddamî zî teknîkê Qirkerdişê Helebçe Almanya ra girewtbi. Nika zî Erdogan heman çi keno. Çi heqê Almanya esto ke tewrê nê qirkerdişan bena? No zulm o. Seba pere û menfaatan rayîr danê Erdoganî ke sey Saddam şarê ma qir bikero!
Kolonyalîzmê dewleta tirke wazeno pê Vîrusê Korona şarê ma bitersnp. Nêverdenê ke şar çalakî, nawnayîş û protestoyan bikerê, vîrus kenê bahane. Ganî na bahane nêra şinasnayene.Wa kes vera kerdişanê rejîmê faşîstî bêveng nêmano. Ganî pêro merdimî seba naye mesuldarîya xo bîyaro ca.
Ganî her kes vera Vîrusê Korona tedbîranê xo bigêro.Bi taybetî Rojhelat û Vakurê Kurdîstanî de nêweşîye vila bena. Wa şarê ma goş bido tedbîranê maske, pakî, mesafe ser.
Seba ke şarê ma bieşko vera kolonyalîzmî têkoşînê xo bikero ganî weşîya xo bipawo la heman wextî de vera kerdişanê dişmenî bêveng nêmano. Çalakîyê şarî teqez wa bêrê kerdene.” Çime/ANF
