Karwanê sivîlan ê ku dixwaze bigihije Serêkaniyê ji hêla hêzên dagirker ve tê astengkirin. Karwanê ku gihîşt gundê Mişrafayê, cenazeyên 5 sivîlan ji bin xerabeyên avahiyan derxistin
Bi armanca vekirina korîdoreke mirovî da ku sivîl û birîndarên li Serêkaniyê bên rizgarkirin, karwaneke sivîlan ber bi Serêkaniyê ve bi rê ketin. Lê karwan ji hêla komên çete û artêşa tirk a dagirker ve hate astengkirin. Di heman demê de konvoy ji hêla artêşa tirk û çeteyên wê ve hate topbarankirin.
Welatiyên di konoveyê destnîşan kirin ku li ser navçeyê dorpêç heye û metirsî heye ku li wir komkujiyeke mezin pêk bê. Welatiyan bang li aliyên pêwndîdar kir ku xwedî li agirbestê derkevin û ji bo rizgarkirina sivîlan di zûtirin dem de bikevin nava liv û tevgerê.
Di heman demê de 2 rojnamegerên biyanî jî bi konvoya sivîlan re ye. Rojnameger Robîn Firaming anî ziman ku ji bo şopandina rewşa sivîlan hatiye û wiha domand: “Karwan dixwaze birîndarên li Serêkaniyê derman bikin û rizgar bikin. Lê artêşa tirk nahêle ku karwan bikeve navçeyê.”
Cenazeyên welatiyan
Hat zanîn ku karwanê sivîlan gihîşt gundê Mişrafa yê Serêkaniyê. Hat zanîn nku karwanê sivîlan li gundê Mişrafayê 5 cenazeyên sivîlan ji binê xerabeyan derxistin. SERÊKANIYÊ
