Raportora Tirkiyeyê ya serdema beriya niha siyasetmedar Kati Piri, piştî ku careke din hate hilbijartin ji bo spasiyê serdana Navenda Civaka Demokratîk a Kurd (NCDK) a li Den Haagê kir
Kati Piri di rêza 4’emîn a lîsteya Partiya Karker a Hollandayê de tevlî hilbijartinên Parlamenta Ewropayê bû. Kurdên li Hollandayê jî biryar dan ku piştgiriyê bidin Kati Piri.
Piri piştî ku hate hilbijartin doh serdana Navenda Civaka Demokratîk a Kurd a li Den Haagê kir û spasiya kurdan kir. Di dema serdanê de Piri got, “Ez ê vê têkiliya navbera me dema bê jî bidomînim. Dixwazim wezîfeya raportoriya Tirkiyeyê bidomînim ku pênc salan min ew wezîfe kir. Di dema hilbijartinê de min li her kolanê dît û bihîst ku kurd piştgiriyê didin min. Bûm heyrana piştgiriya kurdan a ku ji bo têkoşîna demokratîk dan min. Pêvajoyê bê ez ê karê xwe hîn bi xurtî bidomînim.” DEN HAAG
