Hemsereka MED TUHAD-FEDî Emîne Kaya ke Rayraşîyayîşê Azadîye yê Pîlî yê baskê Wanî de ca gena ANFyî rê rayraşîyayîş erjna.
Kaya tecrîd sey sûcê merdimîye name kerd û nê vatî: ”Polîtîkaya tecrîdî tesîrê heme kurdan û şaranê Rojhelatê Mîyanênî kena. Îtîdar Kurdîstan de şer rayra beno. Rayraşîyayîşê ma bi hewayêkê qerardarî dewam keno. Rixmo ke astengkerdişî est ê zî ma do tarîxo ke bewlî kerdo o wext rayraşîyayîşê xo biqedinê. Heta şiknayîşê tecrîdê serê Abdullah Ocalanî do çalakîyê ma dewam bikerê. Bi nê rayraşîyayîşî azadîya fîzîkîye ya Abdullah Ocalanî wazenê. Têkoşîno xurt yeno dayene. Ma do pîya bi şarê têkişînê xo ser bifînê. Ewro îqtîdar bi polîtîkaya tecrîdî sîyaset keno. Ma seba ke verê nê sîyasetî bîgêrê, ewro rayra şinê. Şar zaf paştî dano nê rayraşîyayîşî. Êyê ke wazenê verê rayraşîyayîşî ma bigêrê wa hol bizanê ke ma qerardar ê, ma do pîya bi şarê xo na dewaya heqedar çirey cameverdê.Ganî her hes wayîrê nê têkoşînê tarîxî bivejîyo.
Wext wextê têkoşînî yo
Xoverdayoxê zîndanan grevê vêşanîye de yê û Dayîkê Haştîye Nobeta Edaletî raya benê. Na têna mesleya înan nîya, meseleya ma perûn a. Ganî her kes mîyanê nê têkoşînî de ca bîgêro. Têna bi xurtkerdişê têkoşînî ma eşkenê tecrîdî bişiknê. Bitaybetî ganî cinîyî serkêşîya nê têkoşînî bikerê. Çunke bedelê tewr pîlî yê şerî ma cinîyî danê. Nê prosesê tarîxî de berpirsîyarîya ma pîl a. Heme şarê Rojhelatê Mîyanênî ganî paştî bidê nê rayraşîyayîşî. Bêrê ma pêro pîya verê nê zilmî bigêrê, pîya cuyeya bianor înşa bikerê. Ganî hinî her kes destê xo bikerê binê kerra. Wext wextê têkoşînî yo, wextê yewîye yo.” AMED
