Kongreya Komela Demokratîke (KCD) bi munasebetê 1ê Gulane Roja Têkoşîn û Paştîdayîşê Karkeran ya Dinya bi zarawayê Kurmancî û Kirmanckî yê Kurdî Tirkî û Îngîlîzî mesajêk weşêna û 1ê Gulane roja heme karekeran firaz kerd.
Mesajê KCDyî wina yo:
“Ma 1ê Gulane Roşanê Kedkar û Karkeranê pêroyê Dinya bi ruhê şorişgerî firaz kenî. No proseso ke komelê pêroyê dinya bi janî reyde têkoşîn dano de, taybetî zî şexsê karkeranê weşîye û zanistî ke merdimî bi keda înan weş benî de dinya şahdî kerde ke ked û paştîdayîş çiqas muhîm o. Ma heme kedkaran rê bi hîssanê samîmî spas kenî. Kedkar, karker, cinîyê ercîyaye, şarê ma yê bi rûmet! Na cografyaya ma çiqas merkezo yewine ya berardişî ya, hende zî merkezê yewine ya roşnvîrî, yewî û xoserîye ya. Cografyaya ma şaneya esasî ya kapîtalîzmîya ke pêroyê dinya mehkumê nêseyyewbînanîye kerda, ya. Zafaneyê komelê Mezopotamya û taybetî zî komelê Kurdistanî eynî wext de komelê kede yî. Kedwerdiş û sîstemê koletîye ke tîya de dest pêkerdo, ewro pêroyê dinya de ked weno û kolonyalîstîye keno.
Komelê Mezopotamya bi hezaran serrî yo ke bi cinî, kedkar û karkeranê xo cografyaya xo de berardişî keno. Êdî wext ameyo ke ma vajî ‘Ma seba kamî berdişî kenî?’ Ma bi vatişêko kehen yê Mezopotamyayî fînenî vîr û vanî ke ‘Kam bidoşo biz ê ci yo, kam cit bikero erazî êci yo!’
Çareserîya Mezopotamyayî û cografyayanê bînan, şeklo newe ke ci de ked nîna werdene û dinyayêka ekolojîk a. Karker, kedkar, cinî û şarê bindestî sey dara berûye yî. Dara berûye her îklîmî de zergun bena û kokanê xo cografyaye de derg kena. Coka ê eşkenî pêroyê dinyaye de veng û têkoşînê xo bikerî yew. Çareserî oyo ke heme karker, kedkar, cinî, ekolojîst û şarê bindestî bi pawitişanê cîya-cîyayan û xoserîya xo bikerî yew û paştîdayîşê enternasyonalîstan gird bikerî.
Dinyayêka bê berardişî nîna xeyalkerdene. Labelê ma qetî nê îdîayê xo ra fek vera nêdanî ke ma do dinyaya ke ‘karker û bindestî nêresenî heqanê xo’ bibedilnî. Ma seba înşakerdişê cuya seyyewbînan, azad, komelêko demokratîk û sosyalîst awan biker. Çimkî ‘Israrkerdişê sosyalîzmî israrkerdişê merdimîye yo.’
Ma sey Kongreya Komela Demokratîke roşanê heme kedkar û karkeranê dinya, taybetî zî roşanê cinîyanê kedkaran ke nîmeyê dinya înan ra pê yena, reyna firaz kenî û ma pêroyê komelanê dinya rê cuyêka weş umud kenî.
Paştîdayîş do dinya bixelisno!
Biciwîyo paştîdayîşê karker, kedkar, cinî û şaran!
Bijî Yek Gulan!
Biciwîyo Yewê Gulane!
Yaşasın Bir Mayıs!
Long live the 1st May!” AMED
