KCDK-E bi eşkerayîyêke venga pêro kurdîstanijan, cinîyan û dostanê înan da ke 6ê çeleyî de seba protestokerdişê qirkerdişê Parisî yê 2013î bi ruhê seferberî vejîyê waranê Parisî.
Eşkerayîye de ame vîrvistene ke 9ê çeleyê 2013î de Sakîne Cansiz, Fîdane Dogan û Leyla Şaylemez û 23yê kanûna 2022yî de zî Evîn Goyî, Mîr Perwer û Abdurrahman Kizil paytextê Fransa Paris de hetê MÎTî ra ameybî qirkerdene.
Eşkerayîya xo de KCDK-E bale ante ser ke dewleta Fransa bi serê ci girewtişî nê wird qirkerdişan de zî dewleta tirke pawite û edalet nêard ca. KCDK-E îfade kerd ke kurdî sey 11 serranê verînan ancî seba caardişê edaletî serrgera qirkerdişan de vejîyê waran.
KCDK-E vat: ”Ma do nêverdê ke kiştoxî bêceza nêmanê û ma bikerê ke rejîmê Erdoganî yo faşîst wa bêro muhakemekerdene. Bi nê qirkerdişan têkoşînê azadîye yê kurdan ameyo hedefkerdene. Ma venga pêro kurdîstanij, dostanê xo, cinîyan û ciwanan danê ke 6ê çeleyî de serkêşîya TJK-E de tewrê rayraşîyayîşê protestokerdişî bibê û waranê Parisî seba edaletî debikerê.”
