Kongreya Civaka Demokratîk a Kurdistaniyên Ewropa (KCDK-E) têkildarî bikaranîna gaza jehrî li dijî çeperên gerîla ya ji aliyê artêşa tirk a ku bi hevkariya PDK’ê êrîşî Herêmên Parastinê yên Medyayê dike, daxuyaniyeke nivîskî weşand.
Daxuyanî wiha ye:
“Artêşa tirk a dagirker li dijî berxwedana ji bo parastina Kurdistanê, rêbazê şerê qirêj çekên kîmyewî bikar tîne.
Artêşa dagirker a dewleta tirk a înkarker ku li ser xwîn û tolhildanê hatiye avakirin, li hemberî berxwedana gerîla biketinê li ser binketinê dijî.
Li hemberî biryardarî û berxwedana ku heyî, bi çekên kîmyewî ku rêbaza şerê qirêj e êrîş dike. Weke her carê dixwaze bi çekên kîmyewî ku rêbazeke şerê qirêj e berxwedana parastina Kurdistanê bişkîne.
Li dijî êrîşên qirker ên artêşa tirk ê xwînxar ku bi hevkariya xiyanetkar re zemîna êrîşan dît, divê gelê me li hemû Ewropayê dengê xwe bide vê berxwedanê.
Em bang li welatên Ewropayê ku serê wan di nava qûmê de ye û êrîşa hovane ya li Kurdistanê nabînin dikin ku li dijî bikaranîna çekên kîmyewî bibin xwedî helwest.
Divê gelê me li ku derê lê ye rabe ser piyan û dewleta tirk ê hov teşhîr û protesto bike.”
