Hemserekê Konseya Rayberdişî ya KCKyî bi wesîleya 8ê Adare Roja Cinîyan ê Kedkaran mesajêk weşana.
Mesaj wina yo:
”Ma 8ê Adare Roja Cinîyan ê Kedkaran a Dinya fîraz kenê. Ma têkoşînê cinîyan selam kenê û sey têgêrayîşê azadîye yê kurdan pare kenê ke tim hetê têkoşînê cinîyan de yê.
Averşîyayîş û komelkîbîyayîşê merdimatîye de cayê waştiş, hîs û hişmendîya cinîyan girîng ê. Yewbîyayîş, parekerdiş û taybetîyê komelkî yê cinîyan komelbîyayîş û averşîyayîşê cuye de rolêko girîng kerd. Cinîyan bi keda xo serkêşîya averşîyayîşî kerde. Xûlasa ma bi estbîyayîşê xo yê merdimatîye deyndarê cinîyan ê.
Wexto ke xozaya cinîyan a komelkî û azadîye komelî ra abirîyaye û hîsê azadî, têdûştî, haştî û heskerdişî ra bêpar mende hetê camêrdan ra ameye hedefkerdene. Tarîx de cinîyî tim teda, kolonyalîzm û şîdetê sîstematîkî de têrî mendî. Çîyo ke ame sereyê cinîyan ame sereyê komelî zî. Seba ke cinîyî komelbîyayîşî temsîl kenê wexto ke cinîyî yenê hedefkerdene û bindest benê komel zî wina beno.
Modernîteya kapîtalîste seba ke xozaya cinîye, ked û bedenê cinîye kolonîze kena leweyê ferasetê camêrdan temsîl kena. Tewr zaf modernîteya kapîtalîste komel û cuye şiknena û îstîsmar kena.
Bêguman cinîyan destpêkî ra heta ewroyî ferasetê serdestîya camêrdan û cuya koledare-kolonyalîste qebul nêkerdî û xo ver da. Sayê nê xoverdayîşî ra hişmendîya azadîye û îradeyê cinîyan tim gandar mendî.
Têkoşînê azadîye yê cinîyan tarîx de qetî nêqedîya û tim aver şi. Ewro her ca de cinîyî aver şinê û serkêşîya têkoşînî kenê. Nika bi şîarê JIN, JIYAN, AZADÎ her ca de têkoşînê azadîye geş beno.
Averşîyayîşê têgêrayîşê ma û Şorişê Kurdîstanî de vurîyayîi, vurnayîş, kede û serkêşîya cinîyan rolêko tarîxî kay kerd. Têgêrayîşê ma hêz û motîvasyonê xo hêzê cinîyan û şîarê ‘cuya azade’ ra gêno. Bêguman nê pêroyî netîceya nêzdîbîyayîşê Rayber Apoyî yê. Rayber Apoyî azadîya cinîyan kerde merkezê têkoşînî, erjêko giran da cinîyan û verê rêxistinîya cinîyan akerd. Ney zî têgêrayîşê ma û Şorişê Kurdîstanî înanê bînan ra cîya kerd. Rayber Apoyî seba averberdişê hişmendî û têkoşînê azadîya cinîye zaf xîret kerd. Ey model û pradîgmayêka newîye bingeyê azadîya cinîyan de viraştî. Nê kedê Rayber Apoyî hetê pêro dinya ra yenê dîyenê. Coka cinîyî seba azadîya Rayber Apoyî refanê vernîyan de cagênê û serkêşîya kampanyaya azadîye kenê. Ma nê tewirê cinîyan zaf biqîmet û manadar vînenê û ancî cinîyan rê sipas kenê.
Têkoşînê Azadîya Cinîyanê Kurdîstanî yo ke ewro tesîrê pêro dinya keno, bi hezaran û des hezaran cinîyê şehîdî dayî. Nê têkoşînî kesayetê pîlî yê serkêşî yê sey Sakîne Cansiz (Sara) vejîyayî û înan nasname û karakterê têkoşînê azadîya cinîyan awan kerd. Rayber Apoyî dîyar kerd ke têkoşînê azadîya cinîyan têkoşînê Sakîne-Sara yo. Ma şexsê embaze Sakîne de pêro şehîdanê ma yê cinîyan bi rêz û minetî yad kenê. Ma bawer kenê ke eke cinîye azad biba komel û cuye zî do azad bibê. Bi na bawerîye ma ancî 8ê Adare Roja Cinîyan fîraz kenê, paştdayîşê xo pare kenê û cinîyan rê serkewtişanê pîlan wazenê.” BEHDÎNAN
