Hemserekîya Konseya Rayberdişî ya KCKyî bi wesîleya serrgêra 44. ya ronîyayîşê PKKyî eşkerayîyêka nuştekîye daye.
Eşkerayîye wina ya:
“Ma kewtê serrgêra 44. ya ronîyayîşê PKKyî ke newe ra şarê Kurdistanî afernayo û bi têkoşînê xo averşîyayîşê girîngî awan kerdî û destanê xoverdayîşî yê pîlî zêdînayî. Şarê Kurdistanî û têkoşerê azadîye 44 serrî yo binê serkêşîya PKKyî de vera sîstemê qirkerî seba estbîyayîş û azadîye têkoşîn kenê. Ma serrgêra 44. ya PKKyî ya Rayber Apoyî û şehîdan, şarê Kurdistanî yê welatperwerî, embazanê ma yê cepheyanê şerî, xoverdayoxanê zîndanan, milîtan û sempatîzananê PKKyî, pêro şaranê bindestan, cinî, ciwanan û merdimatîye fîraz kenê.
Ma Rayber Apoyo ke netîceya pêro destkewte û erjan de ma afernayî, hişmendîya azadîye aver berde bi rêzdarî selam kenê. Rayber Apo têna PKK nêafernayo, destpêkî ra heta ewroyî serkêlîya Şorişê Kurdistanî kerdo, her kesî ra zêdeyêr têkoşîn kerdo û xizmet kerdo. Bi kiilmî Rayber Apoyî pêro emrê xo dîyarîya azadîya şarê Kurdistanî kerde. Rayber Apoyî mîyanê tecrîd û îşkenceyê Îmraliyî de tewirê xo rê dewam kerd û xoverdayîşo tewr manadar û tarîxî mojna. Ma sey şarê Kurdistanî û têgêrayîşê azadîye nê ked û xizmetanê ci ra semed deyndarê Rayber Apoyî yê.
PKK sey partîyêka şehîdan ronîya û erjê terw pîlî yê azadî û merdimatîye xêrê şehîdan ra PKKyî afernayî. Rayber Apoyî dîyar kerdbi ke ey sey perwerîyêke bi vîrameyîşê embazê xo Hakî Karerî PKK awan kerdo û da zanayene ke PKK netîceya keda şehîdan û erjan a ke şehîdan afernayo. Coka ma sey partî û têgêrayîşî deyndarê şehîdan ê. Serrgêra 44. ya PKKyî de ma şehîdê xo yê verênî Hakî Karerî ra heta şehîdanê ma yê Zap, Avaşîn û Metîna pêro şehîdanê şoriş û demokrasî bi minetî yad kenê, verê vîrameyîşê înan de sereyê xo anê war. Ma soz danê ke wayîrê vîrameyîşê şehîdan vejîyê û têkoşînê înan biresnê serfîrazîye. PKKyî heta nika bi rayraşîyayîş û têkoşînê xo yê xeta şehîdan erjê pîlî avernayî. Nika ra pey zî ma do xeta şehîdan de têkoşînî pîl bikerê, erjanê pîlan biafernê, hesreta şarê ma cuya azade, welatê azadî û Rayberîya azade bîyarê ca.
Prosesê ê çaxî de ke şarê kurdî bi fermanê înkar û îmhaya dewletanê kolonyalîstan ê qirkeran amebi îzolekerdene, name, ziwan û nasnameyê înan ameybî qedexekerdene û ver bi çinbîyayîşî şîyayêne PKK ronîya. PKKyî mudaxeleyê na rewşe kerd, nasname û kesayetêko newe da şarê kurdî. No seba şarê kurdî şorişêko pîl o. Eke herinda kesayetê kolonyalîstî yê qirkerî de kesayetêko newe nêameyêne afernayene çîyêk aver nêşîyayêne. Seba ke sîstemê kolonyalîstî yê qirkerî têna Kurditan parçe nêkerd û qirkerdişî nêkerdî heman wextî de şarê kurdî vist binê xizmetê dişmenî. PKKyî no kesayet Kurdistan de çin kerd, herinda ci de ganîbîyayîşê komelêkê azadî, hişmendîya neteweya demokratîke û erjê welatperwerî awan kerdî û bingeyê kolonyalîzmê qirkerî Kurdistan de şara.
Bi ronîyayîşê PKKyî cinîya kurde xeta azadîye de averşîyayîşêko zaf girîng vist destî û xo resna nasnameyê xo yê xoserî. Merdim eşkeno vajo ke cinîyê kurdî PKKyî reyde hende aver şîyî. Kesayeto newe yo ke PKKyî afernayo ter zaf cinîya kurde temsîl keno. Çunke PKKyî xeta azadîya cinîyan aver berde û seba ney têkoşîn kerd. Çunke Rayber Apoyî PKK sey partîya cinîyan pênase kerde. Rayber Apoyî bi geşkerdişê PKKyî serê xeta azadîya cinîye û xorinkerdişê xeta azadîya cinîyan kedê tewr pîlî dayî îrade, rêxistinbîyayîş û azadîya cinîyan. Cinîya kurde mîyanê PKKyî zaf aver şîye û wayîra hişmendî û îradeyê azadî bîye, xêrê têkoşînê ewroyînî ra şîyarbîyayîş û azadîya cinîyan de Rojhelatê Mîyanênî û dinya de bîye serkêş.
PKK bi têkoşînê xo têna seba şarê Kurdistanî nê seba şaranê Rojhelatê Mîyanênî û şaranê bindestan û cinîyan ê dinya bi têgêrayîşêko girîng. Rayber Apoyî bi averberdişê teorîya şaristanîya demokratîke û modernîteya demokratîke şikl û tedeyîye daye cigêrayîş û têkoşînê azadîya şaran, cinîyan û bindestan rê hasmênêko newe akerd. PKK bi nê erjan bi global û paradîgmaya xo ya komelê demokratîk, ekolojîk, komelê azadîgîrî bi serkêşê felsefeya raştîya dewrê ma û sîstemê têkoşînê demokratîkî yê şorişgêrî.
Averşîyayîşêko bîn ê girîng o ke PKKyî kesayetê kurdanê azadan de afernayo no yo ke PKKyî xeyta xayîne ya hemkare bin kerda. Xeta xayîn û hemkare sey tradîsyonê kolonyalîzmî vejîyaya werte û bîye xeta teslîmîyetê kolonyalîzmî. Nê karekterî ra xeta xayînî û hemkarîye bîye meşrûkerdişê statuyê kolonyalîzmî yê Kurdistanî. Ronîyayîşê PKKyî reyde na xete ameye binvistene, Kurdistan de xeta azadîye û erjan ser kewte. Têkoşînê azadîye yê Kurdistanî serkêşîya PKKyî de ver dişmenî ser keweno û şarê Kurdistanî nêzdîyê azadîye beno. Heman wextî de xeta xayînîye qels bena. Eke xeta xayînîye ra nêbîyêne Kurdistan nêameyêne parçekerdene û kolonyal nêbîyayêne, şarê kurdî cewherê xo ra dûrî nêkewtêne. Ewro dewleta tirke ya kolonyalîste bi destekê xeta hemkarî û xayînîye xîret kena ke hêrişê Kurdistanî bikera û bi çinkerdişê destkewteyanê kurdan û têkoşînê azadîye zî wazena ke qirkerdişê kurdan rê dewam bikera.
Dewleta tirke ya kolonyalîste û îqtîdarê AKP-MHPyî yo faşîst seba ke PKKyî çin bikerê, kurdan qir bikerê hêrişê kurdan û çar parçeyanê Kurdistanî kenê. Îqtîdarê AKP-MHPyî hêrişê Mexmûr, Şingal, Başûr, Rojawan, Rojhelat û Herêmanê Pawitişî yê Medya keno û sere de çeka kîmyewîye pêro metodanê vera merdimatîye û sûcan keno. Kamca de kurdî est bê îqtîdarê AKP-MHPyî uca keno hedef. No îqtîdar xêrê têkoşînê kurdan û PKKyî de verê binkewtişî de yo. Dewleta tirke ya kolonyalîste kena ke Rojawanî îşxal bikera, kurdan Rojawanî ra veja, şaranê bînan ê Sûrîye teslîm bigêra. Qirkerdişê Efrînî nika Rojawan de yeno kerdene. Şarê Rojawanî û Sûrîye armancanê dewleta tirke hol zanenê. Ganî her kes paştî bido tewirê xopawitişî yê şaranê Rojawanê Kurdistanî.
Ma serrgêra 44. ya ronîyayîşê partîya ma PKKyî fîraz kenê û pêro kesanê ke bi ruhê PKKyî xo ver danê zî selam kenê. Partîya ma PKK ya ke 44 serrî yo seba şarê Kurdistanî, şaranê Rojhelatê Mîyanênî, şaranê bindestan û dinya erjê pîlî awan kerdê, bêguman serra xo ya 45. de zî erjanê pîlan biaferna. Şarê Kurdistanî yo ke serrgêra 44. ya ronîyayîşê PKKyî bi coşî fîraz keno ganî bi ruh û terzê PKKyî vera hêrişanê qirkeran ê îqtîdarê AKP-MHPyî yê faşîstî têkoşînê xo hîna pîl bikero. Şarê Kurdistanî yo ke serkêşîya PKKyî de bi xoverdayîş û têkoşînî bîyo wayîrê estbîyayîş û nasnameyê xo do bi xeta PKKyî de xo ver bido, îşxalî çin bikero û azadîye bîyaro ca.” BEHDÎNAN
