Hemserekîya Konseya Rayberdişî ya KCKyî bi eşkerayîyêke serrgêra 8. ya ci de Qirkerdişê Garî yê Anqara yê 10ê Teşrîna Verêne şermezar kerd û şehîdî yad kerdî.
Eşkerayîye wina ya:
”10ê teşrîna verêne ya 2015î de Partîya Demokratîke ya Şaran, xeylêk sendîka, rêxistinanê komelê sivîlî, rêxistinanê demokratîkan mîtîngê Kede, Haştîye û Demokrasî serûber kerdbi, bi des hezaran kesî tewrê nê mîtîngî bibî. La vera nê mîtîngî hêriş û qirkerdişêko pîl amebi kerdene. Ma nê qirkerdişî ancî bi hêrêkê pîlî şermezar kenê, şehîdan bi rêzî yad kenê. Şexsê nê şehîdan de ma soz danê ke do tim perwerê nînan bibê.
Nê dejê qirkerdişî reyde hesreta bi mîlyonan merdiman ê ê meydanî zerrîya ma de ya. Ê kesan seba wayûbiratîya şaran, cuyêka demokratîke, Tirkîyaya demokratîke û Kurdîstanê azadî têkoşîn kerd. Înan bi nê waştişî govende girewte û deyîrî vatî. Erkê ma yo ke ma govenda înan pîlêr bikerê, deyîranê wayûbiratîye û azadîye bi vengêkê berzî vajê. Ma do qetî ney bikerê.
No hêrişo ke bi sebebê qirkerdişêkê tewr pîlî yê tarîxê Tirkîya çarçewa planê çinkerdişî de ame kerdene. Faşîzmê AKP-MHPyî no qirkerdiş plan kerd û ard ca. Bi nê planî çareserîya meseleya kurdan, çareserîya meseleyanê înan, awankerdişê cuya demokratîke û roşnîkerdişê Tirkîya ameyî astengkerdene û Tirkîya ancî kewte binê tarîtîye. Hêrişê Garî armanc kerd ke hêrişê cayanê bînan bêro kerdene. Nê pêroyî bi destê dewlete û îqtîdarî ameyî kerdene.
Xapînayîş o ke DAIŞ sey mesuldarê nê qirkerdişî yeno mojnayene. Dewleta tirke û AKP-MHPyî bi xo no qirkerdiş kerd. Her kes zaneno ke DAIŞ binê kontrolê dewlete û AKP-MHPyî de yo. Xora ferasetê DAIŞî ferasetê AKP-MHPyî yo. Cara dima ke DAIŞ hetê têkoşînê şorişgêrî ra ame binvistene îqtîdarê AKP-MHPyî dest eşt gureyanê DAIŞî yê nêmcetmendeyan. Sere de hêrişê vera Rojawanî, hêriş û kerdişê AKP-MHPyî îsbatê na raştî yê.
Her gureyê AKP-MHPyî dûştê wayûbiratîya şaran û cuya demokratîke yê. Kerdişê AKP-MHPyî kerdişê faşîzmî yê. Tay kesê ke nê kerdişan meşrû vînenê ferasetê faşîzmî xurt kenê. Ganî hêzê şorişgêr-demokratîkî vera nê ferasetî têkoşîn bikerê, rêxistinî û yewîya demokratîke biafernê. Perwerîya bi şehîdan wina mumkîn bena.
Na çarçewe de ma serra 8. de Qirkerdişê Garî ancî şermezar kenê. Ganî bizanîyo ke hêzê demokratîk-şorişgêrî wayîrê ê erkî yê ke vera faşîzmê AKP-MHPyî yewîya demokratîke û wayûbiratîya şaran hîna zaf xurt bikerê.” BEHDÎNAN
