Konseya Rayberdişî ya Hemserekîya KCKyî derheqê darbeya qeyûmî ya vera Şaredarîya Colemêrgî de eşkerayîyêke daye. Eşkerayîye wina ya:
”Ma hişmendîya qeyûmî ya faşîste şermezar kenê û nêrazîbîyayîşanê vera nê kerdişî heq vînenê. Şexsê şarê Colemêrgî de yeno waştene ke îradeyê pêro şarê kurdî bêro xespkerdene. No kerdiş kerdişêko faşîst û antî-demokratîk o. Ganî her kes vera nê kerdişî de vindero û paştî bido têkoşînê şarê kurdî. Heta ke Şaredarîya Colemêrgî apey teslîmê şarî bêra kerdene wa her kes nê tewirî pîlêr bikero.
Bi na darbe ancî tewirê AKP-MHPyî yê serê kurdan eşkera bîyo. Îqtîdarê AKP-MHPyî dişmenê kurdan o û Erdogano faşîst caardoxê kerdişanê faşîstan o. Ganî na raştîyî bi tayînkerdişê qeyûman hîna zaf bêrê dîyene. Çarçewa nê raştîyan de ganî her kes yew bibo û têkoşînî bi hêzêrî bikero.
Îqtîdar keno ke çîyo ke Wan de nêeşkayo bikero bi xespê îradeyê Colemêrgî bikero û plananê xo bîyaro ca. Eke îqtîdar Colemêrg de netîce bigêro hinî şaristananê kurdan ê bînan rê zî qeyûman bişawo. Ganî vera nê armancî vervejîyayîşêko rêxistinkerde bêro mojnayene.
Îqtîdarê AKP-MHPyî keno ke bi polîtîkaya dişmenîya kurdan her kesî jehrîn bikero. Îqtîdar nêwazeno ke Rojawan de şar weçînayîşan bikero. Îqtîdar bi dişmenîya xo ya vera kurdan welatî beno verê felaketan.
Şarê ma ganî vera faşîzmî seke Wan de kerd Colemêrg de zî xoverdayîşê topyekûnî bikero û vera xespkerdişê îrade û hêrişanê qirkerdişî cewabê tewr pîlî bido. Wa şarê ma heta şaredarîya xo bigêro nêvindero, tim mîyanê serhildanî de bibo. Ciwanê welatperwerî ganî nê serewedaritişî de tewr vernî de cabigêrê.
Ganî paştdayîş û tewirê hêzanê çep, sosyalîst, demokratîk û azadîgîran zî dewam bikerê. Ma venga her kesî danê ke hetê şarê Colemêrgî de vindero û vera dizdîya AKP-MHPyî tewirê tewr xurtî bigêro.”
