Hemserekîya Konseya Rayberdişî ya KCKyî fermandar û gerîlayê ke beşdarê Operasyonê Şorişgêrî yê Şehîde Doga Vîyan bîyê bi eşkerayîyêke fîraz kerdî.
Eşkerayîya KCKyî wina ya:
”Gerîlayanê HPG û YJA-Starî 17ê sibata 2024î de Girê Tepe yê Herêma Şehîd Delîlî ya Rojawanê Zapî yê Herêmanê Pawitişî yê Medya de Operasyono Şorişgêr ê Şehîde Doga Vîyan kerd. Gerîlayanê Azadîye yê Kurdîstanî nê operasyonî de anxî derbêka pîle daye artêşa îşxalkere ro. Ma pêro fermandar û şerwananê Operasyonê Şehîde Doga Vîyan zerrî ra fîraz kenê, selam kenê û serkewtişê înan wazenê. Ma Fermandarîya Qerargehê Merkezê Pawitişê Şarî zî fîraz kenê.
Ma şexsê embaz Şervan Vartoyo ke nê operasyonî de şehîd bîyo de pêro şehîdanê ma bi minet û rêzî yad kenê, verê vîrameyîşê înan de bi rêzî sereyê xo anê war û sozê serkewtişî danê. Gerîlayan Operasyonê Şorişgêrî yê Şehîde Doga Vîyan de mojna ke ê senî perwerê sozê xo yê şehîdan benê. Ma ganî her ca de sey gerîlayan nêzdîyê raştîya gerîlayan bibê û bi pîlkerdişê têkoşînî şehîdanê xo bipawê.
Gerîlayan bi nê operasyonê xo ancî îsbat kerd ke ê wayîrê hêz û marîfetê pawitişê Kurdîstanî yê. Îqtîdarê AKP-MHPyî yo faşîst verê çalakîyanê gerîlayan de lerzeno, konseptê ci yê îmha û tasfîye şikîyeno. Îqtîdarê faşîstî bi zûran hend hîleyî kerdî ke hînî nêzaneno se vajo. Gerîlayê Azadîye û dewaya şarê kurdî bêmexlûb ê. Şarê kurdî têkoşînê xo de do ser bikewo û zulmkar û xayînî do bin bikewê. Şarê kurdî do nêzdî de nê îqtîdarê faşîstî ra hesab biperso.
Ganî roşnvîr û rojnamegerê Tirkîya raştîya AKP-MHPyî komelî rê vajê. Polîtîkayê AKP-MHPyî komelî ver bi felaketan benê. Polîtîkayê dişmenîya vera kurdan ê îqtîdarî zerar danê şaranê Tirkîya. Ganî şarê Tirkîya û hêzê demokratîk û sosyalîstî yê Tirkîya her ca de hîna zaf paştî bidê şarê kurdî û tede îtîfaq bikerê ke nê îqtîdarê faşîstî pîya bin bivisnê.
Ma hêverî zî dîyar kerdbi ke ganî pêşmergeyî mewzîyanê artêşa tirke ra dûrî vinderê. Ma ancî pêşmergeyan hişyar kenê. Wa çew hetê polîtîkayanê dişmenîya kurdan ê AKP-MHPyî de canêgêro û destek nêdo ci.” BEHDÎNAN
