Çewlîg de ke zimistano tewr çetin û serdin yê serranê peyênan ravêrt, bi vilêşîyayîşê vewre weyîkerdoxan pesê xo yê zimistanî yê ke gewan de weyî kerdêne berdî mergan
Bajarê Çewlîgî de ke zimistano tewr çetin û serdin ê serranê peyênan ame ciwîyayene, varayîşê vewre ra tewr zaf weyîkerdoxî mutesîr bîyî. Weyîkerdoxanê ke wextêkê dergi heywanê xo gewan de kerdêne weyî, bi germbîyayîşê hewayî pesê xo berdî mergan.
Weyîkerdoxê ke heywanê xo xusûsen deşta Çewlîgî û gozergahê rayîrê Darê Hênî de çerênenê, ard ziwan ke menga Teşrîna Verêne ra nata ê heywananê xo gewan de weyî kenê. Weyîkerdoxan vat bi vilêşîyayîşê vewre û germbîyayîşê hewayî înan heywanê xo berdê mergan û va: “Hesreta ma ya mergan qedîyaye. Nizdê 5 mengan estbi ke ma axuran de vaş û simer dayêne heywananê xo. Bi vilêşîyayîşê vewre ma heywanê xo berdî mergan.”
Weyîkerdoxan vat xusûsen meseleya werdayîşî de problemê înan virazîyayêne, la bi germbîyayîşê hewayî û seba ke înan heywanê xo vetê mergan problemê werê înan ra feletîyayê. ÇEWLÎG
