Li navçeya Rişmil a Mêrdînê, di çarçoveya projeya veguherîna bajarvaniyê de, di meha cotmehê de, dest bi xebata hilweşadin 500 malan hatibû kirin. Ev proje bi hevkariya Şaredariya Rişmil û Miduriyeta Giştî ya Veguhertina Bajarvaniyê ya Wezareta Derdor û Başarvaniyê hat çêkirin. Hat xwestin ku li taxên Tepebaşi û Gul malên welatiyên hîna ev proje qebûl nekirine jî, bên hilweşandin.
Ceyrana welatiyên malên xwe terk nekirin û bi mehane rastî zext û êrîşan tên, pêr hat birîn. Dîsa ev welatî bi gefên ku dê bi zorê ji malên xwe bên derxistin re rûbirû ne. Van welatiyan li dijî projeye çalakiya şermezarkirinê li dar xistin û Serokê Şaredariya Rişmil ê AKP’î Hayrettîn Demîr vexwendin îstîfayê. Lê Demîr li şûna îstîfa bike, kesên beşdarî çalakiya şermezarkirinê bûn, sûcdar kirin.
Piştî vê çalakiyê, keyayê Taxa Gul Çagdaş Araz, bi îdîaya ‘wî çalakî organîze kiriye’ ji aliyê Qeymeqamtiya Rişmil ve, ji bo mehekê ji peywirê hat dûrxist.
Serokê Şaredariyê Demîr, derbarê Araz ê ji peywirê hat dûrxistin de, berî mehekê li Qeymeqamtiyê gilî dike. Ev daxwaznemya gilîkirinê ya Demîr derket holê. Demîr di giliya li Qeymeqamtiyê kiribû de, Araz bi ‘Cih ji bo HDP’ê vediqetîne’ sûcdar dike.
Miduriyeta Îdarî û Kontrolê ya Walîtiya Mêrdînê, li ser vê gilîkirina Demîr, îfadeya Araz digire. MÊRDÎN
