Keyeyê Rayberê PKKyî Abdullah Ocalanî û keyeyanê hîrê tepişteyanê bînan yê ke Îmralî de yê seba pêvînayîşî muracat kerdî
Merdimanê Ocalanî û hîrê tepişteyanê bînan yê ke Îmralî de yê reyna seba pêvînayîşî muracatê Serdozgerîya Komare ya Bûrsa kerdî. Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke roja Dişemeyî bieşkê şirê Îmrali muracatê Serdozgerîya Komare ya Bûrsa kerdî.
Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Sabîha Aslane bi rayîrê avûkatan muracatê pêvînayîşî kerdî. STENBOL
