Keyeyê Rayberê PKKyî Abdullah Ocalanî û keyeyanê hîrê tepişteyanê bînan ê ke îmralî de yê seba pêvînayîşî muracat kerd
Birayê Rayberê PKKyî Abdullah Ocalanî Mehmet Ocalan û warisê ci Mazlûm Dînçî seba ke roja Dişemeyî bieşkê şirê Îmrali muracatê Serdozgerîya Komare ya Bûrsa kerd.
Tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Melîhe Çetîne û kênaya ci Eylem Çetîne bi rayîrê avûkatan muracatê pêvînayîşî kerd.
Omer Hayrî Konar, Veysî Aktaş û Hamîlî Yildirm ê ke 2015î ra nata sey ‘Sekreterya’ Îmrali de yê heta ewro teyna 5ê hezîrane û 12ê tebaxe yê 2019î de merdimanê xo dir pêvînayîş viraştbî. STENBOL
