Keyeyan û merdimanê tepişteyanê nêweşan û tepişteyanê ke înfazê înan ameyo vêşnayene, roja 246. de verê Zîndanê Amedî de nobeta edaletî rê dewam kerd.
Endam û îdarekaranê TUAY-DERî, MEBYA-DER, MED-DER, Partîya Herêmê Demokratîkî (DBP) û Partîya Demokratîke ya Şaran (HDP) zî paştî daye çalakîya nobeta edaletî.
Çalakîye de dadîya tepişteyê nêweşî Ciwan Boltanî, Nazîme Boltan qisey kerd û ard ziwan ke 8 mengî yo ê çalakîya xo rê dewam kenê. Nazîme Boltan vat: “Ma wazenê domanê ma yê nêweşî bêrê weşkerdene û vera bidîyê. Waştişê ma heqdar ê. Ma do heta peynî peyê heqê domananê xo de bibê. Lajê mi ame surgunkerdene û 4 serrî yo ez nêeşkena ey bivîna. No zulm heta key dewam bikero?”
Çalakîye pê sloganan qedîyaye.
