Keyeyê Cemî yê Ana Fatma yê Mamakî yê Komela Elewîyan yê Demokratîke bi sernuşteyê ‘Aştî rê çira tafînayîşî’ yew panel serûber kerd
Keyeyê Cemî yê Ana Fatma yê Mamakî yê Komela Elewîyan yê Demokratîke bi sernuşteyê ‘Aştîye rê çira tafînayîş’ yew panel serûber kerd.
Rakerdişê panelî de Hemsereka Keyeyê Cemî yê Ana Fatma Komeleya Elewêyê Demokratîke (DAD) Hulya Turkmene qisey kerde. Turkmene îfade kerd ke tewr zêde cinîyî û domanî tesîrê şerî de manenê û vat: “Şer hînî bi parçeyêkê cografyayê ma. Prosesê şerî de cinîyî têna sey mexdûran nêrê hesibnayene. Ganî cinîyî bi hewayêkê aktîfî tewrê cuya kulturî, sosyale û ekonomîkî bibê. Ma sey cinîyan heta ke ma ra bêro têkoşînê haştîye bidê û şeranê gemarin ra vajê ney.”
Moderator Kamîl Ateşogullariyî cewabê persanê “Alewîtîye de haştîye çita ya û ganî ma pîya se bikê?” da: “Metodêk bi nameyê ‘analîzê muhtewa’ esto. Çekuyê ke warê çapemenîye de tewr zaf yenê xebitnayene, yenê arêdayene, bale yena antene ser ke kam çi qisey keno, kam yew çekuye xebitneno Nika çekuyê ke tewr zaf yenê xebitnayenê nê yê: şer, haştîye, wareyo asayîşên, îşxal, beka, teorîst ûsn. Nê çekuyî mojnenê ke eke ma haştîye ra, heq û azadîye ra behs kenê, nê çinê.”
Hetkarê Serekê Pêroyî yê ABFyî Muslum Metînî vat: “Heyf ke nika çekuya ke ma ci ra dûrî yê, haştî ya. “Panelîstan ra Pîr Zeynel Keteyî zî vat: “Eke ma bi hawayêkê rastikênî meewnê tarîxî ra, wextê vîyarteyî baş nêzanê ma nêeşkenê roja xo ya ewroyîne bişinasnê û tede biciwîyê. Tarîxê Kurdan û Elewîyan hetê kesanê bînan ra ame nuştene. Naye ra ma hêdî-hêdî rastîya xo keşf kenê.” ANQARA
