Wendekara Unîversîteya Munzurî Gulîstan Dokuye ra 5ê çeleyê 2020î ra nata xeberêke nêna girewtene. Keyeyê Gulîstan Doku babîyê ci Halît, dadîye Bedrîye û Aygul Doku Meydanê Seyîd Rizayî de çalakîya xo ya roniştişî qedînaye.
Keyeyê Gulîstan Doku, parlementera Partîya Karkeran a Tirkîya (TÎP) Sera Kadigîl, parlementera HDPyî Dilşat Canbaz, temsîlkarê partî û rêxistinan û wendekarê Unîversîteya Munzurî Kuçeyê Hunerî de kom bibî û heta Meydanê Seyîd Rizayî şîbî. Dima keyeyî tîya de dest pê çalakîyan roniştişî kerdbi.
Babî û dadîya Gulîstane ewro do verê Walîtîya Dêrsimî de çalakîya roniştişî bikerê. DÊRSIM
