Muhemed Emîro ke Efrînî ra yo, Zîndanê Elbîstanî yê Gumgumî de vîrusê Korona ra dinyaya xo bedilnaye. Keyeyê Emîrî qezaya Fafînî ya Şehba ra venga her kesî da ke seba ke cenazaya xo bigêro paştî bido înan.
Birayê Emîrî Ednan Xelîlî vat: ”Ez nêzanena kekê mi senî merdo. Seba ke ma cenaza berê hetkarîya ma bikerê.”
Xelîlî ard ziwan ke ê hêrişanê dewleta tirke de nêçare mendî ke koçê Şehba bikerê. Xelîlî waşt ke cenazaya Emîro ke 28 serran zîndan de mend, wa înan rê bêra teslîmkerdene. Xelîlî vat: ”Kekê mi serra 1989î de tewrê PKKyî bi. Serra 1993î de zî sey birîndar ame tepiştene. Ma pê hesîyayî ke zîndan de dinyaya xo bedilnaya. Ma wazenê cenazaya kekê mi wa ma rê bêra teslîmkerdene. O merdimêko kedkar bi. Ma wazenê kekê mi welatê ci de defin bikerê.”
Cenazaya Emîrî Dezgehê Tipê Edlîyî yê Îstanbulî de ya. GUMGUM
