Keyeyê wendekara Unîversîteya Munzurî Gulîstane Doku ya ke hewteyêk o ci ra xebere nîna girewtene selahîyetdaran ra waşt ke wa zanayîşo qetî bi înan pera bikerê
Keyeyê wendekara Unîversîteya Munzurî Gulîstane Doku ya ke hewteyêk o ci ra xebere nîna girewtene Baroyê Dêrsimî de eşkerayîyêke daye û selahîyatdaran ra waşt ke wa zanayîşo qetî bi înan pera bikerê.
Eşkerayîya ke waya Gulîstane Doku Aygule Doku merdimê ci û Serekê Baroyê Dêrsimî Kenan Çetîn tewrê ci bîyî de waye Doku ard ziwan ke derheqê waya ci de zanayîşo hîra çîno vat têna yew meqesêkê ci Pirdê Dînarî de ame dîyene û cigêrayîşê 4 sanîyen ê bi Zainal Abarakovî. Bê nînan çîyêk ma destê de çîn o. Aygule Doku selahîyatdaran ra waşt ke wa zanayîşo qetî bi înan pera bikerê û sere de şarê Dêrsimî veng da şarî ke seba vînayîşê Gulîstane wa paştî bidê înan.
Serekê Baroyê Dêrsimî Kenan Çetînî zî vat na meseleyêka hesas a. Coka ganî bi zanayîşê qetî bêro têgêrayene. Ma pîya bi keyeyî reyna muracatê Serdozgerîya Komare ya Dêrsimî kerd ke wa newe ra Zainal Abarakovî destbend bikerê û îfadeyê keyeyî newe ra bigêrê. Ma derheqê qiseykerdişiê 4 sanîyan ê telefonî de zî yewinanê eleqedaran rê nuşteyî şawitî, ganî çend rojan de netîceyê ci bêro eşkerakerdene. DÊRSIM
