Keyeyê hepsîyanê ke grevê vêşanîye de yê, vernîya Zîndanê Tîpa Ayî yê Riha de ameyî têhet û hemverê heme hêrişanê eskeran de çalakîya roniştişî viraştî
Merdimê hepsîyanê ke grevrê vêşanîye de yê, vernîya Zîndanê Tîpa Ayî yê Riha de ameyî têhet. Labelê eskeranê Tirkî hêriş bi çalakwanan kerd ke Parlamentera HDPyî ya Riha Ayşe Surucu zî mîyanê keyeyanê girewteyan de bîye. Keyeyanê girewteyan rixmê hêrişan zî çalakîya roniştişî daye destpêkerdene. Eskeranê Tirkî dorê çalakwanan girewt.
Parlamentera HDPyî Surucu reaksîyon da hêrişê eskeran. Fermandarê eskeran Surucu tedît kerd û va: “Şima merdiman seba xebetê xo bikar anê. Kombîyayîş û eşkerayîye tîya de qedexe yî. Eke şima reya bîne bêrê ma zanê ke ma do çi bikerê.”
Ablûqaya eskeran hîna zî dewam kena. RIHA
