Emîne Şenyaşara ke lajê ci û mêrdeyê ci hetê merdiman û pawitoxanê Wekîlê AKPyî Halîl Îbrahîm Yildizî ra kişîyayî, 28 rojî yo lajê xo Ferît Şanyaşarî reyde verê Edlîyeya Riha de nobeta edaletî gêna.
Mehkemeya qirkerdişê keyeyê Şenyaşarî de Fadil Şenyaşaro ke hêriş de birîndar bibi cezaya zîndanî ya 37 serran û 9 mengan dîyaye ci.
Keyeyê Şenyaşarî hesabê xo yê medyaya komelkî de no mesaj pare kerd: ”Ewro ma erey dest pê nobeta xo ya edaletî kerd. Ma dadîya ma berde nêweşxane. Doktorî vat dadîya mi wa keye de biaresa. La ma vera nê zulmî nêeşkenê keye de ronişê. Keyeyê ma Nêweşxaneyê Dewlete yê Pirsûsî de ame qetilkerdene. Dozgerî pê pawitişê kiştoxan benê hemkarê sûcî.” RIHA
