Emîne Şenyaşara ke lajê ci û mêrdeyê ci hetê merdiman û pawitoxanê Wekîlê AKPyî Halîl Îbrahîm Yildizî ra kişîyabî lajê xo Ferît Şenyaşarî reyde verê Edlîyeya Riha de roja 29. de nobeta edaletî rê dewam kena. Emîne Şenyaşar rixmê meseleyanê weşîye zî seba edaletî reyna ameye verê Edlîye.
Keyeyê Şenyaşarî medyaya komelkî ser o no mesaj pare kerd: ”Qesra Edlîyeya Riha de têkoşînê ma yê edaletî roja 29. de dewam keno. Ma Wezaretê Edaletî rê pê cumleyêke eşkerayîye wazenê. Nêweşxaneyê Pirsûsî sûcê merdimîye ame kerdene. Selahîyetdarî hema zî serebût mîyan kenê.” RIHA
