Pîyê Zulkuf Gezenî ke seba şermizarkerdişê tecrîdê serê Rayberê PKKyî Abdullah Ocalanî cuya xo peynî kerd Şehmus Gezenî, veng da şarê kurd ke tewrê Newroze bibî ûva: “Zulkuf seba azadîya nê şarî cuya xo peynî kerd. Ganî şarê kurd wayîrê çalakîya Zulkufî bivejîyo.”
Keyeyê Zulkuf Gezenî ke seba şermizarkerdişê tecrîdê serê Rayberê PKKyî Abdullah Ocalanî Zindanê Tîpa Fyî yê Tekîrdagî de çalakîya fedaî pê ard û cuya xo peynî kerd, vengê tewrbîyayîşê Newroze kerd. Pîyê Zulkufî, Şehmus Gezenî vengê tewrbîyayîşê Newroze kerd û va: “Lajê mi seba peynîardişê tecrîdê serê Ocalanî cuya xo peynî kerd. Sere de şarê kurd, ganî heme beşê komelî tewrê Newroze bibî. Zulkuf seba azadîya nê şarî cuya xo peynî kerd.”
Pîyê Zulkufî ard ziwan ke ganî serra 2019î biba serra azadîya şarê kurdî û va: “Ma do Raşteyê Newroze (Parka Newroze) yê Amedî de bibî û adirê Newroze tafînî.”AMED
