Rojnameger Kîbriye Evren a ku li Girtîgeha Tîpa E ya Amedê de tê girtin û ji bo rakirina tecrîda li Îmraliyê ev 132 roj in di greva birçîbûnê de ye ji ber rewşa wê ya tenduristiyê ne baş e nikare derkeve hevdîtinê. Hat hînbûn ku ev hefteyeke Evren nikare hevdîtina bi parêzeran pêk bîne
Parlamentera HDP’ê ya Colemêrgê û Hevseroka KCD’ê Leyla Guven ji bo tecrîda li ser Rêberê Gelê Kurd Abdullah Ocalan bi dawî bibe dest bi greva birçîbûnê ya bêdem û bêdorveger kiribû. Ji bo piştgiriya çalakiya Leyla Guven û rakirina tecrîda li ser Ocalan li girtîgehan bi hezaran girtî niha di greva birçîbûnê de ne. Rojnameger Kîbriye Evren a ku li Girtîgeha Tîpa E ya Amedê de tê girtin û ji bo rakirina tecrîda li Îmraliyê ev 132 roj in di greva birçîbûnê de ye ji ber rewşa wê ya tenduristiyê ne baş e nikare derkeve hevdîtinê. Hat hînbûn ku ev hefteyeke Evren nikare hevdîtina bi parêzeran pêk bîne. Di heman demê de di 16’ê kanûna 2018’an de Evîn Kaya û Hîlal Olmez jî tevî Kibriye Evren dest bi çalakiya greva birçîbûnê kiribûn.
Her wiha hat hînbûn ku Kîbriye Evren di warê meşê de zehmetiyê dikşîne, nikare bimeşe û hevalên wê yên din jî rewşa wan a tenduristiyê ne baş in. AMED
