Serekê Organîzasyonê Berbangî Nadir Nadirovê 89 serrî dinyaya xo bedilnaye. Nadir Nadirov pê keşfanê xo yê serê petrolî dinya de namdar bi.
Nadir Nadirovî teknîkê cîyakerdişê petrol û molekulan keşf kerdbi û pê ney enejîya ceyranî viraşte. Nadir Nadirovî semedê cigêrayîşanê xo Kazakîstan de xelata ‘Mareşalê Zanistî’ girewte.
Profesor Nadirovî xeylêk reyî Sûrîye û Lubnan de Rayberê Şarê Kurdî Abdullah Ocalan zîyaret kerdbi. Nadir Nadirov tewrê karanê Kongreya Neteweyî ya Kurdîstanî bi, bi serran Têkoşînê Azadîye yê Kurdan rê xizmet kerd.
Nadir Nadirov herêma xosere Nahçivan de dadîya xo ra bi, surgunê Kazakîstanî bi. Nadir Nadirovî Kazakîstan de perwerdeyê kîmya dî dima 1956 de Moskova de Enstîtuyê Lenînî de master kerd, serra 1967î de doktoraya xo kerde, 1970 de bi profesor û serra 1983î de bi akademîsyen.
Nadir Nadirovî petrol û kîmya ser o 8 kitabî, 750 meqaleyî, 28 monogradî, 260 cigêrayîşî kerdî. Kitabê ‘Petrol û Gazê Xozayî yê Kazakîstanî’ yê Nadir Nadirovî 1996 de xelata ‘kitabê tewr başî yê serre’ girewte. MOSKOVA
