Merkezê Xeberan]
Şewa panceşemeyî çalakîkeran vera polîsan şer kerd û qereqolo ke tede polîsê kiştoxê George Floydî xebitîyayêne, vêşnaye. Bi hezaran kesî tewrê çalakîyanê vakurê şaristanî bîyî. Tay çalakîkeran zî zor da bendanê verê qereqolî û camî şiknayî.
Çalakîyan de Geroge Floydo afro-amerîkanij (46) hetê polîsan ra ame kiştene û dima ra çalakîyî zêdîyayî. Polîsan wexto ke Floyd dest bend kerdêne, o erdî ser o kerdbi derg û polîsêkî zanîyê xo nabi milê ci ser û bi nê hawayî Floyd xeniqna. Dîmenê serebûtî medyaya komelkîye de bi hawayêkê gandarî weşanîyayî û rixmo ke Floydî vatêne nêeşkeno nefes bigêro polîsî milê ey kerdêne teng.
Polîs Derek Chauvino ke 25ê gulane de George Floyd kişt, bi bedelê kefaletê mîlyon dolarî vera dîya. Goreyê xebera NewYork Timesî seba veradayîşê bi kefaletî yê Chauvinî muracat ame kerdene.
Dadgere Jeannice Reding şert kerd ke Floyd pêro çekanê xo teslîmê edaletî bikero. Avûkatî şert qebul kerd.
