Kitabê Fakulteya Îlahîyatî de yeno vatene ke ‘Heme xirabîye Kurdan de ya. Kurdan ra bê koletîye û gureyanê giranan û bêerje de xebityayîşî çîyêko bîn nêvejîyeno.’
Kitabê Fakulteya Îlahîyatî ya Universîteya Çukurova yo ke bitaybetî dîyeno wendekaranê Kurdan de şarê Kurdî rê heqaret yeno kerdene.
Kibato ke hetê Alî Çelebî (1517-1571) ra ameyo nuştene û diyayo wendakaranê sinifa peyêne yê Fakulteya Îlahîyatî ya Universîteya Çukurova û ameyo vatene ke hol biwanê û fam bikerê de Kurdan rê heqaret yeno kerdene. Kitabo ke bitaybetî de dîyayo wendekaranê Kurdan wina yeno vatene: “Kurdî bi hole û siwarîya xo namdar ê la bi dizdîye xo yenê naskerdene. Wayîrê Sukur’ı Rakikî vano ke: Kurdî wişk ê, bihêz ê; zaf neçar ê, vera çetinîya debare sebir kenê, kîndar û bêwefa yê. Kurdan ra bê koletîye û gureyanê giranan û bêerje de xebityayîşî çîyêko bîn nêvejîyeno.”
